Cronfa o £19 miliwn gan Fferm Wynt Gwynt y Môr ar gyfer cymunedau arfordirol Gogledd Cymru.

Gyda buddsoddiad hirdymor o £19 miliwn, dros oes y fferm wynt, mae Fferm Wynt ar y Môr Gwynt y Môr (GYM) yn helpu cymunedau arfordirol Conwy, Sir Ddinbych a Sir y Fflint i gyflawni pethau anhygoel.

Mae'r gronfa'n hyblyg iawn fel ei bod yn gallu diwallu gwahanol anghenion ac uchelgeisiau cymunedau ar draws yr ardal arfordirol. Mae'n canolbwyntio ar y themâu canlynol:

• Creu cymunedau cadarn a chynaliadwy;
• Datblygu cymunedau ffyniannus gyda thwf economaidd cryf;
• Lleihau tlodi ac anghydraddoldeb mewn cymunedau.

Gweinyddir y gronfa yn annibynnol gan Gefnogaeth Gymunedol a Gwirfoddol Conwy (CGGC) mewn cydweithrediad â Chynghorau Gwasanaethau Gwirfoddol Sir Ddinbych a Sir y Fflint. Mae CGGC yn cyflogi rheolwr cronfa llawn amser, lleol. Gwneir y penderfyniadau am ddyrannu’r arian gan banel grantiau o bobl sy'n byw, yn gweithio neu'n gwirfoddoli yn yr ardal sy’n elwa o’r gronfa.

Nod y wefan hon yw ateb eich cwestiynau chi am y gronfa, ond os oes gennych chi gwestiynau o hyd, cofiwch gysylltu â ni.