Yn 2021, dyfarnwyd £9,036.40 i Slalom Gogledd Cymru o Gronfa Fferm Wynt Coedwig Clocaenog i sefydlu Cwrs Slalom parhaol a chyfleusterau hyfforddi yn Llangollen ar safle Melin Mile End. Aeth yr arian tuag at brynu offer ar gyfer sefydlu y gangen, gan gynnwys prynu offer: caiacau, padlau a siafftiau, cymhorthion hynofedd a chagiau.

Bellach mae gan Slalom Gogledd Cymru bum safle hyfforddi yn Llanberis, Capel Curig, Yr Wyddgrug, Tryweryn a Llangollen. Mae safle Llangollen yn unigryw, gan ei fod yn safle hyfforddi a hyfforddi dŵr sydd yn symud. Dyma'r amodau hyfforddi gorau i baratoi ar gyfer amodau cystadlu ar ddŵr sy'n symud.

Mae'r trefniant wedi bod yn llwyddiant mawr, gydag aelodaeth clwb Slalom Gogledd Cymru yn cynyddu 10%. Mae 2 hyfforddwr gwirfoddol arall bellach yn gweithredu ar safle Llangollen, yn gweithio i ddatblygu'r rhaglen slalom. Mae'r clwb wedi bod yn denu ymwelwyr hefyd, mae pobl wedi defnyddio'r safle hyfforddi o Stafford and Stone, Ironbridge a Chlwb Canŵio'r Wyddgrug.

Bellach mae nifer o bobl ifanc yn hyfforddi ar safle Llangollen ddwywaith yr wythnos, ac maent yn rhan weithredol o raglen Slalom Gogledd Cymru. Mae'r hyfforddwyr yn gobeithio y bydd rhai o'r padlwyr ifanc hyn yn cymhwyso ar gyfer rhaglen slalom Cymru. Yn y dyfodol, gallem weld rhai ieuenctid o Langollen yn cymhwyso ar gyfer tîm Prydain Fawr!

Dywedodd Jonathan Davies, Canw Cymru: 

"Mae slalom gogledd Cymru dros y deuddeg mis nesaf yn debygol o weld cynnydd o 25% yn nifer y padlfyrddwyr ifanc sy'n cymryd rhan ar raglen slalom ranbarthol Gogledd Cymru.
Y rheswm am hyn yw ei fod wedi cael llwybr strwythuredig a chefnogol ar lawr gwlad yn ardal Llangollen am y tro cyntaf.

 Ni fyddai hyn wedi digwydd heb yr arian a gafodd y clwb gan fferm wynt Coedwig Clocaenog.
Mae'r rhaglen yn edrych ymlaen at weld athletwyr o ardal Llangollen yn y dyfodol yn cystadlu ar raglen tîm Cymru ac yn cynrychioli Cymru mewn digwyddiadau rhyngwladol ledled Ewrop."