Prosiect Dwylo Bach
gan Making Sense CIO

Ym mis Rhagfyr 2022 dyfarnwyd £9,920 i Making Sense CIO tuag at eu prosiect Dwylo Bach yn Llanrwst.

Mae Dwylo Bach yn raglen greadigol a deniadol o weithgareddau ar gyfer plant y blynyddoedd cynnar a'u rhieni/gofalwyr.

Mae sesiynau Dwylo Bach yn orlawn o ddysgu hwyliog ac wedi’u cynllunio i artistiaid bach archwilio eu creadigrwydd mewnol, bod yn chwilfrydig a GWNEUD! Creu amgylchedd a gweithgareddau wedi’u hysbrydoli gan raglenni arddangos ein partneriaid creadigol, sy’n synhwyraidd ac yn chwareus i’r teulu cyfan eu mwynhau. Mae’r rhaglen yn canolbwyntio ar ymgysylltu, dysgu ac ymatebion y blynyddoedd cynnar i gelf a chrefft gyfoes o fewn lleoliad creadigol ac ysbrydoledig; creu ymdeimlad o berthyn i blant a’u teuluoedd mewn sefydliadau diwylliannol ac o fewn y gymuned ehangach.

Nid yw’r sesiynau a ddarparwyd ganddynt yn ‘addysgu’ ond yn hytrach yn cynnig ‘gwahoddiad i chwarae’ – gofod creadigol i artistiaid bach chwarae, archwilio a chael eu hysbrydoli. Darparu sesiynau hyblyg dan arweiniad y plentyn trwy greadigrwydd.

Cymerodd cyfanswm o 276 o blant 0-4 oed a 181 o oedolion ran yn eu sesiynau yn Llanrwst. Buont hefyd yn darparu sesiynau wedi’u teilwra ar gyfer 3 busnes gwarchod plant, 2 gylch ti a Fi a STAND Gogledd Cymru – cyfanswm o 6 grŵp gyda 12 aelod o staff yn cymryd rhan yn y sesiynau.

Roedd y prosiect hefyd yn cynnig cyfle i artist newydd gynorthwyo a chysgodi’r sesiynau i gael mewnwelediad a phrofiad pellach o weithio gyda grwpiau blynyddoedd cynnar. Helpu gweithwyr proffesiynol ifanc i gael gwell dealltwriaeth o ehangder o’r rolau sy’n bodoli ar draws yr economi greadigol a’r llwybrau iddynt yng Nghymru.