Cefnogaeth ac arweiniad i’ch corff
Mae gweithredu gwirfoddol a chymunedol yn ymwneud â chreu cymunedau gweithgar a chynaliadwy a sicrhau bod gan eich cymuned lais. Oes gan eich cymuned neu gorff syniad ar gyfer prosiect ond nid yw’n siŵr beth i’w wneud nesaf?
Mae cymorth ac arweiniad ar gael AM DDIM gan CGGC a gall eich helpu chi a’ch cymuned i ddatblygu’r syniadau hyn ar gyfer prosiectau newydd drwy wneud y canlynol -
Cynghori ynghylch y broses o greu grŵp newydd gyda’r holl anghenion sy’n gysylltiedig â phwyllgor newydd
Creu cyfansoddiad/dogfen lywodraethol ar gyfer grŵp newydd neu fwrw golwg dros un sydd eisoes yn bodoli
Cofrestru fel elusen, os yn briodol
Trafod eich syniad a dechrau ei ddatblygu er mwyn paratoi ar gyfer ceisiadau grant os oes angen
Trafod y polisïau a allai fod o ddiddordeb i’ch grŵp eu mabwysiadu e.e. polisi Iaith Gymraeg neu bolisi Cyfle Cyfartal
Cynnig cefnogaeth gyffredinol wrth i chi symud ymlaen a throi syniad yn brosiect go iawn
Pan rydych yn ystyried sefydlu grŵp neu sefydliad newydd mae opsiynau gwahanol ar gael i chi, yn dibynnu ar yr hyn mae'r grŵp yn gobeithio ei gyflawni. A fydd eich grŵp / sefydliad yn fach ac yn anffurfiol? Neu oes gennych chi gynlluniau mawr ac a fydd angen i chi ddatblygu a rheoli arian mawr iawn?
Edrychwch ar y fideo cyflwyniadol isod, sy'n helpu i esbonio'r gwahanol opsiynau hyn, a hefyd y manteision a'r anfanteision. Cofiwch gysylltu â ni os oes arnoch chi angen mwy o wybodaeth neu pan fyddwch yn barod i symud pethau ymlaen.
Cerdd ©Rafael Krux via Canva.com
Gyda diolch i PAVO
Gallwn hefyd helpu gyda’r canlynol:
Cael mynediad at gyfleoedd hyfforddi lleol a chost isel
Recriwtio gwirfoddolwyr i ddatblygu eich syniad
Darparu ffynonellau gwybodaeth
Sicrhau cyhoeddusrwydd a hyrwyddo eich grŵp
Dylech hefyd ystyried ymaelodi fel corff. Chi fydd y cyntaf i gael ein cylchgronau a’n cylchlythyrau e-bost. Mae mwy o wybodaeth ar gael yma
Cefnogaeth Gymunedol a Gwirfoddol Conwy
7 Rhiw Rd, Bae Colwyn LL29 7TG
